الطلاق بسبب كلام زوجي الاباحي

انا تزوجت من سنتين وعندي طفله زوجي في البدايه كانت غيرته قويه جدا انتهى شهر العسل وسافر لمكان عمله في مدينه أخرى وتركني في شقه أسكن عند والدته وعدني اول سنه زواج انه ياخذني ويستاجر وكنت أسأله ايش سويت كان يماطل وبعد فتره قال إنه مستحيل ياخذني لأن المدينه اللي هو فيها ما يحب أحد يسكنها من أهله بحكم الفساد من وجهة نظره هو حاولت فيه وما اقتنع حملت اول سنه ولاحظت انه اذا خميس وجمعه يفتش جوالي ويبحث عن الرسايل واذا اتصل رقم غريب علي راح وحفظه بجواله من ورأي تضايقت جدا من حركاته ويمنعني إني اروح السوق مع امي يقول لا تروحين علما انه اذا جا خميس وجمعه وطلبته مشوار تضايق وقال انتي ما تقدرين أن وراي سفر واذا اتصل وجوالي كان مغلق يزعل ويعصب ويقول شنو كنتي قاعده عليه ليش مغلق استفساراته رفعت ضغطي وعيشتني بددوامه ليه هو تفكيره كذا وليه ما يبيني اروح مع أهلي واخلص مشاويري بحكم أن خميس وجمعه ما يمديني اسوي شيء فيهم لأنه يقول تعبان وراي سفر
بعد فتره من الزمن كان جهازه مع بنتي الصغيره وهو نايم ومسكته وفتحت صفحة تويتر اكتشفت أن زوجي فاتح حساب يجاهر بمعصيه وضايف بنات منحطات وفاسدات وكان كلام زوجي جدا وقح وجنسي جدآ كان يطلب من كل وحده يضيفها تدخل خاص وكان يقول كلام إباحي حسبي الله ونعم الوكيل ما قدرت انام شفت هالحساب بيوم جمعه وقلت لازم أتصرف لأن الرجال يعاملني بتصرفاته واجهته وقام يصارخ ودفني وقال ليش تفتشين قلت انت تجاه ر بمعصيه ما خفت الله يبليك ببنتك وطلبت منه ينزلني على بيت أهلي ويطلقني لاني والله العظيم حسيت بمصيبه نزلت على راسي ونزلني بيت أهلي ولي الآن ثلاث شهور بس ياخذ بنته وينزل مصرف ويمشي اخوي قال اختي ما ترجع إلا اذا أخذتها معاك لديرتك بس انا مو مرتاحه بعيشتي معاه علما انه الحين يقول ما اقدر اخذها ظروفي ما تسمح لي شوروا علي الله يوفقكم والله اني في حيره من أمري الرجال فقدت الثقه فيه وادعي بيني وبين ربي انه ما ياخذني ويطلق لأنه صدمني واستغفلني بحسابه علما بأنه إذا سافر يمنعني ارسل له رسايل اللي تصير بين المتزوجين اقول انت زوجي حلالي كان يصارخ ويقول لا تعيدينها ويزعل وبسرعة يغلق المكالمه لا تتجاوز الدقيقه فقط

By glok

Similiar tagsالمتزوجين