خاطرة يا فانوسي
= = = = = =
يا فانوسي
يا حابس جواك الجني المسحور
مين كسرك
ومين سرق جنيك المأسور
فين أمانيك السبعة
وفين صوت جنيك الحلو الأمور
تعال ألحقنا وشوف
خنقوا أحلامنا
سرقوا أمانا
قتلوا عيالنا
وضيعوا حتى هيبتنا
وبيسمموا
في نعوش طموحاتنا
وبيحاولوا يهدونا
لكن أبدا ولا ممكن
ده يكون
يقولك يا شعوبنا
الحرية طريقنا
وطريقهم رسموه بدمائنا
وسط سواد الموت
يا فانوسي أرجع نور
يا جني غني ودور
وصدقني حنوصل ونتحدى الموت
ده أملنا في بكرة عمره ما يموت
يا فانوسي
يا حابس الجني المسحور
أسمعني كويس يا فانوس
خاف من ناس تتحدى الموت
خوفهم بس
من رب السماوات ورسول مبعوث
يا جني محبوس في فانوس
عرفهم أخرتهم ويانا
أشد وأصعب
من جزاء سنمار أو حتى النمرود
http://arrai.org/pages.php?option=browse&id=102308
انجي مطاوع