أنا دم ونار
إنجي مطاوع
= = = =
أنا مش
بني آدم
مات وأستشهد
لما أتخان
أنا دم ونار
غضب ورماد
معلن بالدخان
أنا صوت شعب
فاض بيه
لما أداس عليه
وأتهان
اتهان
حتى من أخوه
اللي في يوم
قاله أنا ليك
من الإخوان
ناس بتدافع
عن سلطة وكرسي
والاسم عن الإسلام
وكلاء العريان
فاكرين
رب السماوات
بعتهم يقسموا
البشرية ويكشفوا
من فينا صادق
ومن خان
يطهر للأرض
من آثم وشر
على أيديهم
بسيوف من جان
لكن آه قالوا
إحنا مضطهدين
جيوش وقوى
الشر أجمعت
أقسام ولجان
على أيد واحده
عايزين يقضوا
على براءة
ودين الإخوان
اتهموا الغير
بالكفر وعمالة
وضد
شريعة الإسلام
خدوا وصاية
علينا لأننا
لازم نتعاقب
وكمان نتهان
لكن صعب!!
الكل وقف
أعلنها صريحة
مش ممكن تاني
نذل ونتهان
بأيدينا
نرجع حق
ودم الشهداء
من كل جبان
نرجع دم
من خون ويُخان
أيا كان
الخاين والتعبان
ما أنا مش
بني آدم
مات وأستشهد
لما أتخان
أنا ضمير
صاحي بينادي
فوقوا
أصحوا
وركزوا
في كل أذان
أدعوا رب
كريم ينصر
وينجي الخير
في كل أوان
السبت 27/7/2013م
إهداء لروح مجند فادي على منتصر
قوة تأمين مبنى إذاعة شمال سيناء
21-7-2013م
http://arrai.org/pages.php?option=browse&id=106974